Ermal Mamaqi dhe Bes Kallaku zgjodhën të luajnë pak edhe me personazhe të ndryshëm të politikës shqiptare, teksa në “Xing me Ermalin” folën edhe për dasmën e Besit, ku duhet pranuar se nuk munguan përfaqësues nga politika.
Por përvec atyre që ishin të pranishëm, apo atyre që patën ftesë dhe munguan kishte disa të tjerë, të cilët u bënë pjesë e lojës së Ermalit dhe Besit.
Eshtë fjala për kryeministrin Rama, deputeten Grida Duma apo Nard Kokën, për të cilët ndonëse nuk dimë a ishin vërtet të ftuar, Ermali dhe Besi kishin krijuar disa tekste për t’i sjellë në ekran.
Binte në sy, përgjigja e Edi Ramës: Jam në timon, ndërkohë që kryeministri nuk i jep vetë makinës, apo përgjigja e Nard Kokës që shkruante: Do të vij, por me kusht që t’i përcaktoj unë të ftuarit.
Ermali dhe Besi kishin sjellë një tekst të gatshëm edhe për Grida Dumën, fjalitë e së cilës kishin vendosur t’i komplikonin pak, për t’ju afruar disi stilit të deputetes, në një përsiatje për dashurinë dhe martesën.
Nuk dimë nëse loja u ka pëlqyer personazheve të zgjedhur, megjithatë vlen të përmendet përpjekja e dy humoristëve për t’ju përshtatur stilit të gjithsecilit.
