Moderatorja e njohur Luana Vjollca publikoi në profilin e saj në “Instagram” një fotografi ku u shfaq përkrah një personazhi, të cilit nuk ka dashur që t’i zbulojë fytyrën dhe të gjithë fansat e saj u bënë kureshtarë.
Në foto dukej se ishte një burrë i maskuar me paruke bionde, por më pas Luana e zbuloi se kush ishte “Luana2” dhe bëhet fjalë për moderatorin e njohur Ermal Mamaqi.
Edhe pse Ermali ka emisionin e tij në të njëjtin orar në televizionin “Klan” duket se ka vendosur të jetë në dy ekrane këtë të shtunë e t’i kthejë Luanës vizitën e para disa muajve ku ajo ishte e ftuar në “Xing me Ermalin”.
Që kur u largua nga Digitalb në 2016-n, kjo është hera e parë që Ermali kthehet në Top Channel.
