I pari që reagoi për protestën e 9 të opozitës, ishte kreu i bashkisë së Tiranës, Erion Veliaj. Në një postim në Twitter, ai uronte kreun e PD-së për protestën paqësore ndërsa theksonte se kjo protestë është provë që dhuna dhe paqja varetë vetëm nga drejtuesit e opozitës.
Sipas tij kjo është një kthese fantastike që krijon hapësira për ide e alternativa për zgjedhjet e 2021. Por zoti Veliaj në postimin e tij tregonte se nuk tërhiqej nga zgjedhjet lokale.
Si asnjëherë më parë në protestat e muajve të fundit, nuk u shënua as incidenti më i vogël. Zoti Basha pas fjalës së tij, i ftoi sërish mbështetësit e opozitës të marshonin drejt selisë së parlamentit. Edhe këtu nuk pati asnjë incident, ndërsa zoti Basha, pas një qëndrimi të shkurtër u drejtua për në selinë e Partisë Demokratike.
Protesta e mbrëmjes së sotme, u zhvillua në një moment kur situata është tensionuar dhe më tej./ Opinion.al
