TIRANË- Zërat se Edi Rama e vendosoi Veliajn, kandidat për Bashkinë e Tiranës për të pasur gjithçka nën kontroll dhe për të vazhduar projketet që i mbeten në mes, duket se po vërtetohen.
Ka rinisur pas 4 vitesh lyerja e pallateve me ngjyra në Tiranë. Kjo gjë është e dukshme dhe ka rënë në sy të qytetarëve të zonës së Rrugës së Kavajës ku ka nisur rikonstruksioni i fasadeve. Ndërkaq kryetari i Bashkisë, Erion Veliaj e ka lajmëruar edhe vetë në Facebook këtë risi, duke shkruar: “Nisi pjesa e 2 Colors Of Tirana pas 4vjetësh”. “Ca i shanë, ca i deshën por fasadat e Tiranës e vunë qytetin tonë në hartë!”.
Në fakt edhe komentet në statusin e tij janë ca pro e ca kundra. Por ka edhe të tjerë që i kujtojnë se Tirana ka halle më të mëdha se bojatisja me ngjyra e pallateve.
