Ditën e sotme përpara se të niste dëgjesa me artistët, Erion Veliaj u sulmua me vezë nga të rinjtë e FRPD-së. Mesa duket kryebashkiaku nuk e ka marrë shumë seriozisht këtë veprim, dhe për më tëpër ka përfituar nga rasti për të bërë edhe humor. Ai ka postuar një foto në Instagram, ku është modifikuar fytyra e tij, në trupin e një personazhi filmash, i cili shmanget me sukses nga goditjet.
“T’kishte Lulzim Basha nishan do kish bo noj pune ne Tirane a do kish fitu noi pale zgjedhje ???”, shkruan Veliaj në postim. Ajo që bie në sy, është edhe nërhyrja e reperit Noizy, i cili njihet për marrëdhënien e afërt që ka me Veliaj.
“Hajde sparing me mu. Ishe I papam per Box.”, i shkruan Noizy.
Më herët Veliaj e ka komentuar këtë veprim edhe gjatë dëgjesës me artistët ku e cilësoi si “sulm alla ISIS, nga ana e Bashës”.
