Aktualitet

Erion Braçe pranon se nuk e ka të sigurt vendin në qeverinë e re


Bëhu pjesë e Grupit Zyrtar të Opinion.al
>> KËTU <<
               Publikuar në : 22:44 - 19/07/21 |
Opi Nion

Ndërsa shtatori pritet të zbulojë edhe emrat e rinj të kabintetit Rama 3, duket se askush prej ministrave aktualë nuk e ka të qartë dhe të sigurt vendin  në kabinetin e ri. Mes tyre as Zv.Kryeministri Erion Braçe. I pyetur mbi këtë argument gjatë një interviste në News 24, Braçe tha se të sigurt ka vendin e tij në Parlament, ku është votuar nga qytetarët. Sa për një vend në qeveri, Braçe pohoi se kjo është e drejtë dhe zgjedhje e mandatarit, Rama.

“E sigurt është që unë në shtator kam një kontrat pune me këtë zonë dhe kam një vend në Parlamentin e Shqipërisë, çështja e qeverisë është gjë tjetër, është zgjedhje e mandatarit Edi Rama. Pra, e them që është e sigurt që kam vendin tim në Parlament nga vota e qytetarëve. E sigurt është gjithashtu që unë kurrë nuk kam kërkuar karrige, kam kërkuar punë. Nëse dikush ka nevojë për punën time, unë këtu jam. Gjithë jetën time kam kërkuar punë, jo karrige. Nëse flet për karrige, nuk kam përgjigje, nuk më intereson fare karrigia. Parlamenti në shtator do të jetë një histori tjetër, e re, jo krejt e re, sepse për fat të keq do të ketë fytyra tmerrësisht të vjetra, të konsumuara, të damkosura dhe që nuk duhet të jenë fare aty, siç të tjerë kanë bërë një zgjedhje dhe janë larguar. Mendoj se parlamenti në shtator e ka gjithë mundësinë, se përtej infeksionit që do jetë aty brenda, të riformatohet, të jetë një institucion që ju përket qytetarëve dhe jo 140 deputetëve që janë aty brenda. E ka gjithë mundësinë që ky parlament të jetë etik, konstruktiv”, tha Braçe./Opinion.al

 

 

 

 

 

Pas