Djali i ish-guvernatorit të bankës së Shqipërisë, Erik Fullani, është një emër mjaft i njohur për publikun shqiptar. Eriku njihet për stilin e tij të jetesës, dhe gjithmonë ka qenë shumë i hapur për intervista. I ftuar në emisionin e Rudinës, ai foli për një çështje shumë delikate të jetës së tij, siç është edhe pesha. Ai ka rrëfyer për të gjithë se si arriti të humbiste peshë në mënyrë drastike falë regjimit të shëndetshëm.
“Mënyra e jetesës ka qenë problemi i mbipeshës simë, oraret e çrregullta të gjumit dhe të ngënit jasht. Unë se kam thënë kurrë, por maksimumi i peshës sime ka qenë 178 kile, ndërkohë që jam 1.90 i gjatë. Jeta ime tani ka ndryshuar. Nisma për të humbur peshë ka nisur nga një debat në familje ku unë shprehesha se mund të bëj gjithçka për familjen. Dhe ata më kërkuan të bie në peshë dhe kështu fillova. Unë tani jam 90 kile dhe jeta ime ka ndryshuar shumë. Tani ndihem shumë më mirë, rrobat më rrinë më mirë dhe bëj fotografi. Mbipesha më ka bërë të ndihem keq që i vogël. Pesha merret shumë kollaj, por rikthimi i peshës është e vetmja gjë që më tremb dhe tani kam një regjim. Unë s’dua të jap këshilla se njërëzit që më jepnin këshilla mua kur isha i shëndoshë i merrja inat”, tha Fullani.
