Noizy dhe Erik Fullani kanë nisur së fundmi të bëjnë publike “thumbat” mes tyre. Ata janë tepër miq, por gjithmonë bëjnë edhe humor me njëri tjetrin.
I pari ishte Eriku që e “nisi lojën” ditën e djeshme teksa postoi një foto të reperit amerikan Raz-B duke e cilësuar si kopje të Noizyt. “Kontrollo ku ka shku Baçi për pushime verën e 1986 se s’më pëlqen fare kjo foto”, shkruante ai krah fotos duke qeshur.
Kështu Noizy dje nuk reagoi, e teksa të gjithë menduam se ai po bënte indiferentin ndaj këtij postimi, Noizy mori hak pikërisht atëherë kur Eriku nuk e priste. Teksa ky i fundit postoi një video të shkëputur nga një set fotografik që po realizon, tek komentet dallon edhe atë të Noizyt ku e krahason “Star Boy-n” me modelin amerikan, Ben Hill. “Ben Hill. Do doja shumë të thoja çfarë kam në mendje”.
“Në momentin kur e postova mendova do më thotë Noizy që më do? Hajde, të lutem”, ia kthen Eriku.
