Një erë e fuqishme po fryn sot në kryeqytet por dhe në disa qytete të vendit, ndaj është e rëndësishme të bëni kujdes pasi nga lartësitë mund të bien sende të forta. Në Tiranë, konkretisht në rrugën Medar Shtylla raportohet se ka rënë një panel diellor, por fatmirësisht pa të lënduar.
Edhe metereologia Rezarta Xhakollari në parashikimin e motit për ditën e sotme, thotë se era do të jetë me drejtim Verilindje (NE) me intesitet të lartë, ku shpejtësi shkon nga 10 deri në 25 m/sek. Në det valëzimi do të jetë i forcës 5 me lartësi vale 2,5 deri në 4,0 metër në det të hapur.
Ndërsa në Fier, Bashkia u ka bërë thirrje qytetarëve të heqin vazot e luleve nga ballkonet sepse mund të kthehen në rrezik për jetën e njerëzve.
*Shpejtesia e eres ne Tirane
