Presidenti i Turqisë, Recep Tayyip Erdogan, njoftoi se Turqia ka rifilluar kërkimet për gaz dhe naftë në Mesdheun lindor, duke akuzuar Greqinë fqinje se nuk ka arritur të mbajë premtimet e saj.
“Ne kemi rifilluar veprimtarinë e kërkimit. Kemi dërguar anijen Barbaros Hayrettin në zonë”, u tha Erdogan gazetarëve.
Muajin e kaluar, Turqia tha se kishte pranuar të pezullojë “për pak kohë” kërkimet për naftë dhe gaz në një ishull Grek, teksa vazhdojnë negociatat mes Greqisë dhe njërit ndër vendeve më me ndikim në BE, Gjermaninë.
“Ata nuk i kanë zbatuar premtimet e tyre”, tha Erdogan.
Komentet e Erdoganit vijnë një ditë pasi Greqia dhe Egjipti nënshkruan një marrëveshje për krijimin e një zone ekonomike në Mesdheun lindor.
“Kjo marrëveshje nuk ka asnjë vlerë,” tha udhëheqësi turk.
Kërkimi i naftës në Mesdheun lindor ka krijuar mosmarrëveshje midis Turqisë dhe BE-së. Presidenti francez, Emmanuel Macron, ka bërë thirrje që Turqia të “sanksionohet” duke e akuzuar Ankaranë për shkelje të të drejtave të Greqisë dhe Qipros, pasi të tre vendet përpiqen të shfrytëzojnë rezervat e zbuluara së fundmi./Opinion.al
