Presidenti turk, Recep Tayyip Erdogan ka përsëritur se Turqia planifikon të fusë në funskion sistemet ruse për mbrojtje S-400, në muajin prill.
“Në pranverën e ardhshme, me dëshirën e Zotit, në prill të vitit 2020, ne do të jemi në gjendje të fillojmë funksionimin e këtij sistemi”, ka thënë Erdogan gjatë një takimi në Partinë e tij për Zhvillim dhe Drejtësi në Ankara.
Erdogan po ashtu ka thënë se Turqia do të kërkojë diku tjetër aeroplanë luftarakë, nëse Shtetet e Bashkuara nuk do ti shesin aeroplanët F-35.
“Asnjë kërcënim apo sanksion kundër Turqisë, sidomos kërcënimet se Turqia do të largohet nga projekti F-35, nuk do ta parandalojnë shtetin tonë që të ketë prioritete të sigurinë”, është shprehur ai.
Zyrtarët amerikanë dhe ata të NATO-s, kanë kundërshtuar blerjen e sistemeve ruse nga ana e Turqisë, duke thënë se nuk është në përputhje me sistemet e aleancës ushatarake dhe do të rrezikojë aeroplanët e rinj F-35, që përdoren nga Perëndimi.
Shtetet e Bashkuara kanë thënë se Rusia do të jetë në gjendje të përfitojë të dhëna të ndjeshme për aeroplanët F-35, nëse ata përdorën bashkë me sistemet ruse.
Sidoqoftë Rusia ka nisur dërgimin e sistemeve ruse në Turqi gjatë këtij muaji, ndërsa Uashingtoni ka larguar Turqinë nga programi i tij i aeroplanëve F-35./Opinion.al
