Presidenti turk, Recep Tayyip Erdogan deklaroi se Ankaraja është duke humbur durimin me sulmet ushtarake në rajonin e Idlibit në Siri dhe shtoi se Rusia është duke shkelur marrëveshjet që synojnë të ndalin konfliktin aty.
“Aktualisht Rusia nuk është duke zbatuar marrëveshjet e Astanas dhe Soçit. Nëse do të jemi partnerë besnikë me Rusinë, ata duhet të ndryshojnë qëndrimin. Dëshira jonë është që Rusia të bëjë paralajmërimet e duhura për regjimin që e konsideron të afërt”, ka thënë Erdogan.
Rinisja e bombardimeve nga forcat qeveritare siriane në Idlib, kanë rritur shqetësim për një valë të re refugjatësh në këtë zonë, e cila kufizohet me Turqinë dhe strehon 3 milionë persona.
Turqia dhe Rusia mbështesin palë të ndryshme në konflikt, megjithatë, ato kanë rënë dakord që të punojnë drejt uljes së tensioneve në Idlib, duke krijuar zona të sigurta sipas marrëveshjeve të nënshkruara më 2017 dhe 2018 në Astana.
Por pavarësisht kësaj, luftimet kanë vazhduar në rajonin e fundit të kontrolluar nga rebelët./Opinion.al
