Gjatë konferencës së përbashkët të kryeministrit Edi Rama dhe presidentit të Turqisë Recep Tayyip Erdogan gazetarët kanë drejtuar edhe pyetjet e tyre.
Në konferencë, Erdogan u pyet për integrimin në BE dhe marrëdhëniet me unionin.
Erdogan theksoi se BE vazhdon me teknikat e sjelljes vërdallë, për sa i përket integrimit të Turqisë. Ndër të tjera ai tha se në Ballkan është e rëndësishme qetësia dhe Turqia do të bëjë çmos për ta ruajtur këtë.
“BE akoma nuk e ka pranuar Turqinë si anëtare të tij, që nga hapja dhe mbyllja e kapitujve. Vetëm një kapitull kemi diskutuar. Teknika e sjelljes vërdallë e BE vazhdon akoma. Hapat që do të hidhen në lidhjen me NATO-n janë të rëndësishme dhe ne do të bëjmë detyrat tona. Në Ballkan është shumë e rëndësishme qetësia. Ne do të bëjmë çmos për qetësinë dhe paqen në Ballkan dhe ne do të jemi një nga vendet që e garantojmë këtë gjë”,-tha Erdogan.
