Presidenti i Turqisë, Rexhep Tajip Erdogan, është një nga kritikët më të fortë të sulmeve të Izraelit në Gaza, duke i cilësuar ato si gjenocid ndaj popullit civil.
Erdogan nuk i ka kursyer sulmet ndaj kryeministrit izraelit Benjamin Netanyahu, duke theksuar se ai “do të hyjë në histori si kasapi i Rripit të Gazës”.
Më 20 nëntor, Tayyip Erdogan foli për “terrorizëm” dhe “çmenduri” në një sulm të ri ndaj qeverisë izraelite.
“Qeveria izraelite është në një gjendje çmendurie, duke u mburrur për masakrën e grave shtatzëna dhe foshnjave. Nuk është luftë kur bombardon bebe. “Shiu” i plumbave kundër civilëve quhet barbari, grabitje, terrorizëm shtetëror”, tha Erdogan.
Më pas, ai theksoi se Turqia qëndron në krah të të shtypurve, jo vetëm brenda kufijve, por edhe jashtë saj.
“Dhimbja e të shtypurve në Palestinë është edhe e jona. Populli i Gazës po përpiqet të mbijetojë nën sulmet imorale dhe të neveritshme të Izraelit. Deri më sot, ne kemi dërguar gjithsej 800 tonë ndihma humanitare në rajon. Izraeli jo vetëm që po vret banorët në Gaza por i ka ndërprerë ujin, karburantin, energjinë elektrike dhe komunikimin, dhe tani po përpiqet të shkakërrojë vendosmërinë e rezistencës duke bombarduar spitalet”, tha Erdogan.
Në fund, duke përsëritur akuzat për terrorizëm të ushtruara nga Izraeli, ai tha se spitalet janë bërë simboli i Tel Aviv, raportojnë mediat e huaja.
“Kemi nisur nismën për transferimin e pacientëve me kancer në vendin tonë. Kemi sjellë 88 pacientë”, tha Erdogan.
