Presidenti Rexhep Taip Erdogan ka mbërritur në Shtetet e Bashkuara të Amerikës pasi do të pritet në një vizitë zyrtare nga homologu i tij Donald Trump.
Vizita e Erdogan vjen pas ftesës që kreu i Shtëpisë së Bardhë i bëri atij disa kohë më parë.
Avioni presidencial i Erdogan mbërriti në bazën ajrore amerikane Andreës. Ai u prit nga ambasadori turk në Ëashington, Serdar Kılıç, përfaqësuesi i përhershëm i Turqisë në Kombet e Bashkuara (OKB), Feridun Sinirlioğlu, shefi i protokollit të SHBA-ve, Cam Henderson dhe përfaqësues të tjerë.
Presidenti Erdoğan shoqërohet nga e shoqja e tij Emine Erdoğan, ministri turk i Punëve të Jashtme, Mevlüt Çavuşoğlu, ministri i Thesarit dhe i Financave, Berat Albayrak, ministrja e Tregtisë, Ruhsar Pekcan, zv/kryetari i AK Partisë, Mahir Ünal, zëdhënës i AK Partisë, Ömer Çelik, shefi i komunikimeve të presidencës turke, Fahrettin Altun, si dhe zëdhënësi i presidencës turke, İbrahim Kalın.
Kjo vizitë e tij vjen pas përplasjeve të njëpasnjëshme të Turqisë me SHBA, fillimisht për sistemin raketor që qeveria turke bleu nga Rusia dhe së fundmi për ofensivën e ushtrisë turke në veri të sirisë kundër forcave kurde.
Presidenti Trump i dërgoi një letër homologut të tij ku përdorte një gjuhë jo diplomatike duke kërcënuar se nëse sulmi në Siri do të vazhdonte ai do të shkatërronte ekonominë turke.
Turqia dhe SHBA-ja janë dy nga vendet kryesore të NATO-s e cila është kritikuar së fundmi nga Presidenti francez Macron. Megjithatë në këtë takim pritet ti jepet përgjigje shumë nga cështjeve të ngrira mes dy vendeve dhe një marrëveshjeje të mundshme për rikthimin e stabilitetit në rajonin e Turqisë e cila kohët e fundit ka vuajtur nga një rënie e konsiderueshme e ekonomisë. /Opinion.al
