Qeveria turke ktheu një kishë biznantine të vjetër në një xhami, një muaj pasi bëri të njëjtën gjë me muzeun Hagia Sofia.
Vendimi i Presidentit Rexhep Taip Erdoan, i publikuar në fletoren zyrtare në Turqi, thotë se Kisha e Shën Shpëtimtarit Chora në Stamboll, e njohur si Kariye në Turqi, iu dorëzua autoriteteve fetare turke, të cilat do e hapin godinën për lutjet e myslimanëve.
Kisha është e njohur për mozaikët dhe afreskët e saj, që datojnë në shekullin e IV, pavarësisht se ndërtesa mori formën e saj aktuale në shekujt XI–XII.
Ajo shërbeu si xhami gjatë periudhës otomane, e më pas u kthye në muze në vitin 1945.
Kujtojmë se më herët, urdhëri i presidentit turk Erdoganit për rikthimin sa më shpejtë të ndërtesës me famë botërore, Hagia Sofia, në xhami, u shoqërua me kritika në shumë vende.
Megjithë protestat e mëparshme në të gjithë botën Gjykata e Lartë Administrative në Turqi vendosi që vendimi i Mustafa Kemal Ataturkut, themeluesit të Turqisë moderne i vitit 1934 për ta shndërruar Hagia Sofinë në muze ishte i paligjshëm.
Në këtë mënyrë gjykata e anuloi statusin e kishës së dikurshme si muze dhe i hapi rrugën shndërrimit të saj në xhami./Opinion.al
