Presidenti i Turqisë, Recep Tayip Erdogan, ka folur në një konferencë për shtyp pas takimit me homologun shqiptar Bujar Nishani.
Erdogan ka theksuar se Shqipëria është një vend i rëndësishëm për stabilitetin në Ballkan.
Mes të tjerash, ai ka folur edhe për fëmijërinë e tij, e cila ka një lidhje të ngushtë me shqiptarët.
“Në vendin ku kam lindur unë, komshinjtë e parë i kemi pas shqiptarë. Mund të them se jam rritur në duart e nënës shqiptare. Ishte një familje e mrekullueshme dhe i falënderoj për kujdesin që kishin ndaj meje si fëmijë”, është shprehur presidenti turk.
Erdogan ka përmendur investimet turke në Shqipëri duke thënë se kapin shumën mbi 3 miliardë euro, ndërkaq pati edhe një falënderim për Nishanin.
“Falënderoj presidentin Nishani për përkrahjen e tij në luftën kundër FETO-s”, i është drejtuar Erdogan Nishanit.
Më tej, ai tha se Turqia do të bëjë çdo gjë që është e mundur për ta mbrojtur Shqipërinë, ndërkaq ka shtuar se do të investojnë më tepër në sistemin e arsimit.
