Presidenti i Turqisë Rexhep Tajip Erdogan u pa duke shpërndarë para për mbështetësit gjatë raudit të dytë të zgjedhjeve presidenciale të dielën.
Kreu aktual i shtetit shpërndau kartëmonedha me vlerë 200 lira (afërsisht 10 dollarë) secila dhe shtrëngoi duart me mbështetësit që ishin rreshtuar jashtë derës, raportoi Reuters.
Më herët më 14 maj, para raundit të parë të zgjedhjeve presidenciale, Erdogan u pa duke shpërndarë para për fëmijët.
Ligji turk i ndalon kandidatët të bëjnë fushatë në ditën e zgjedhjeve. Autoritetet e mbikëqyrjes së zgjedhjeve të vendit ende nuk e kanë marrë parasysh aktin e Erdoganit për dhënien e parave të gatshme.
Rexhep Taip Erdogan u rikonfirmua president i Republikës së Turqisë ditën e djeshme.
Sipas mediave turke, Erdogan ka marrë 52.12 % të votave në këtë raund të dytë të votimeve, ndërsa Kilicdaroglu me 47.88% të votave.E përkthyer në vota, presidenti aktual ka marrë afro 27 milionë vota, ndërsa kandidati i opozitës rreth 25 milionë.
Erdogan i cili qëndron në pushtet prej 20 vitesh, është zgjedhur President për herë të tretë. Mandati presidencial në Turqi është 5-vjeçar.
Votimi filloi në orën 8 të mëngjesit dhe përfundoi në orën 17:00.
Kujtojmë që ky ishte raundi i dytë i zgjedhjeve, pasi në rundin e parë të zgjedhjeve presidenciale që u mbajtën më 14 Maj./Opinion.al
