Presidenti i Francës Emanuel Macron dhe ai i Turqisë Rexhep Tajip Erdogan janë dakordësuar për të rifilluar dialogun për zgjidhjen e tensioneve mes dy shteteve.
Lajmi është konfirmuar për mediat nga ministri i Jashtëm turk Ahmet Davutoglu.
Bëhet e ditur se Erdogan i ka shkruar Macron një letër ku i uron Vitin e Ri. Ndërkaq, nuk ka munguar as përgjigja e Presidentit Macron, i cili i është përgjigjur këtë javë letrës së Erdogan duke nisur përgjigjen e tij në gjuhën turke.
” Këtë javë, morëm përgjigjen, ishte një letër shumë pozitive, e cila thotë se dëshiron të flasë me presidentin tonë, ajo fillon me përshëndetjen” I dashur Tajip “në turqisht “, tha Ministri i Jashtëm turk .
Dy shtetet kërkojnë të fillojnë bashkëpunimin e tyre në çështje të caktuara, si lufta kundër terrorizmit apo edhe në Siri dhe Libi, dy çështje në të cilat Turqia dhe Franca kanë shumë ndasi. Marrëdhëniet e Francës me Turqinë, të cilat janë tensionuar për shumë vite, janë intensifikuar në muajt e fundit. Erdogan shkoi aq larg sa të akuzonte Macron për islamofobi dhe të vinte në dyshim “shëndetin e tij mendor”, duke e quajtur atë një “problem për Francën” muajin e kaluar, teksa u bëri thirrje francezëve që “ta heqin qafe atë”. /Opinion.al
