Presidenti turk, Recep Tayyip Erdogan, ndryshe nga herët e tjera ka preferuar të mos flasë për politikën. Këtë here kreu i shtetit turk është marrë me çështjet e futbollit dhe ka parashikuar se kush do të jetë skuadra e ardhshme e Cristiano Ronaldos.
Presidenti turk Rexhep Tajip Erdogan ka thënë se Cristiano Ronaldo iu nënshtrua një “ndalimi politik” në Kupën e Botës pasi Ronaldo njihet nga të gjithë si një mbështetës i kauzës palestineze..
“Ata e kanë shpërdoruar Ronaldon. Fatkeqësisht, ata kanë vendosur një ndalim politik ndaj tij”, tha Erdogan të dielën teksa fliste në një ngjarje rinore në provincën lindore Erzurum.
“Futja e një futbollisti si Ronaldo në fushë me vetëm 30 minuta të mbetura në ndeshje, i prishi gjendjen psikologjike dhe i hoqi energjitë”, tha Erdogan.
37-vjeçari hyri si zëvendësues në pjesën e dytë të ndeshjes çerekfinale të Kupës së Botës kundër Marokut, në të cilën Portugalia humbi 1-0.
Ish-futbollisti i Manchester United dhe Real Madrid ishte gjithashtu në stol kur Portugalia u përball me Zvicrën në raundin e 16-të, duke u paraqitur si zëvendësues.
Humbja kundër Marokut do të thoshte që Ronaldo, lojtari i vetëm që shënoi në pesë Kupa të Botës të veçanta, u eliminua nga Botërori që ka shumë të ngjarë të jetë i funditpëër të dhe nuk ishte në gjendje t’i mbante lotët teksa ecte drejt dhomave të zhveshjes.
Ronaldo nuk ka bërë kurrë ndonjë deklaratë publike për konfliktin Izrael-Palestinë, pavarësisht raporteve të rreme dhe fotografive të rreme që shfaqen periodikisht në internet.
Një histori e përhapur gjerësisht se Ronaldo kishte dhuruar 1.5 milion euro (1.59 milion dollarë) për palestinezët pasi ai nxori në ankand këpucën së artë, u mohua në vitin 2019 nga një kompani e menaxhimit sportiv që përfaqësonte futbollistin.
Sipas informacioneve që kam, Ronaldo do të shkoj në Arabinë Saudite”, theksoi Erdogan i cili ndër të tjera shtoi se Argjentina e meritoi suksesin në Botëror: Messi? Deçiziv, pavarësisht moshës. Mbappe? Ai është e ardhmja, u shpreh Erdogan në një intervistë për një televizion në Turqi.
