Presidenti turk Rexhep Taip Erdogan deklaroi sot se nuk do të lejojë asnjë kompani që të prodhojë cigare elektronike në Turqi.
Erdogan ishte pjesëmarrës në një eveniment kundër pirjes së duhanit kur i bëri këto deklarata.
“Kërkuan nga ne t’i lejojmë që të prodhojnë ato (cigaret elektronike). Ne nuk ua dhamë këtë atyre, dhe nuk do ta bëjmë,” tha Erdogan.
“Duan të investojnë në Turqi … Shkoni dhe investoni diku tjetër”, shtoi ai.
Presidenti turk i tha më pas ministrit të tij të Tregtisë që “kurrë” të mos lejojë që cigaret elektronike të ekzistojnë në Turqi dhe shtoi se kompanitë e duhanit pasurohen duke helmuar njerëzit.
Thirrja që ai i bëri bashkëkombësve të tij ishte që të pinë çaj në vend të duhanit. /Opinion.al
