Kryesore

“Erdhi për të dhënë një mesazh”, Tusk: Duhet të hapen negociatat


               Publikuar në : 16:15 - 17/09/19 |
Opi Nion

Ka përfunduar takimi mes Kryeministrit Edi Rama dhe Presidenti i Këshillit Europian, Donald Tusk. Pas takimit Rama dhe Tusk kanë dalë në një konferencë të përbashkët për mediat.

Gjatë fjalës së tij, Rama është shprehur se Tusk është një nga personat i cili po punon për afrimin e Shqipërisë më Bashkimin Europian.

Gjithashtu, kryeministri falenderoi zotin Tusk për gjithçka ka bërë për integrimin e Shqipërisë si dhe i akordoi “Yllin e madh të Mirënjohjes”

Ai theksoi se Tusk ka ardhur në Tiranë për të dhënë një mesazh të qartë për integrimin e Shqipërisë në BE.

“Përtej të zakonshmes, jam shumë mirënjohës për vizitën e Presidentit Tusk, i cili rikthehet në Shqipëri dhe është sot këtu në funksion të asaj që ka qenë një prej pikave të palëvizshme të lidershipit të tij, procesi i integrimit të Ballkanit Perëndimor në BE. Nga ana tjetër, më vjen mirë që sot pata ta falënderoj Tusk për gjithçka ka bërë dhe gjithashtu të ndaj me të një moment të veçantë për ne, duke i akorduar yllin e madh të mirënjohjes dhe duke ndarë disa momente të rëndësishme jo vetëm simbolikisht në historinë e përbashkët mes dy vendeve. Më vjen mirë ta nënvizoj edhe qartësinë në të cilën presidenti Tusk është shprehur gjithnjë në këtë proces dhe pa diskutim të çmoj para të gjithëve përpjekjet konstante si një avokat i procesit të zgjerimit dhe të afrimit të mëtejshëm të Shqipërisë dhe Maqedonisë së Veriut në BE. Sot më e rëndësishme për qytetarët tanë është të dëgjojnë çfarë ka për të thënë Presidenti Tusk, i cili është këtu për të folur për ta dhe për të dhënë një mesazh për ta”, tha Rama.

Ndërkohë, Presidenti i Këshillit Europian, Donald Tusk u shpreh në konferencën për mediat se BE duhet t’i çel negociatat për Shqipërinë. Ai theksoi se Europa nuk mund  të ketë stabilitet pa integrimin e plotë të Bashkimit Evropian.

Tusk  theksoi se Shqipëria meriton të trajtohet si i barabartë me të gjithë vendet e tjera, përfshirë edhe ato Ballkanit Perëndimor.  Presidenti i KiE,tha gjithashtu  se Shqipëria dhe Maqedonia e Veriut meritojnë të marrin një përgjigje pozitive  për negociatat me BE në muajin tetor.

“Gjithnjë kthehem në Shqipëri me kënaqësi. Ju falënderoj për  mirënjohjen  që më bëtë duke me ndarë mirënjohje publike. Jam shumë krenar që e marrë këtë medalje, por medalja ime më e madhe do të ishte hapja e negociatave. Sot një vit më pas në saj të përpjekjeve tuaja jemi afruar me BE. Askush nuk duhet të këtë dyshimin më të vogël as këtu dhe as në BE. Unë kam qenë gjithmonë i mendimi, që BE duhet të çel negociata si me Shqipërinë  dhe Maqedoninë e Veriut, në përputhje kjo me rekomandimet e Komisionit. Vendi juaj duhet të trajtohet me respekt sipas meritave siç janë trajtuar vendet e tjera, por edhe ato të Ballkanit. Nuk do të këtë Europë stabël pa integrimin e Ballkanit në BE. Këtu flitet për sigurinë tonë të përbashkët dhe askush këtu nuk po i bën askujt ndonjë nder”-tha ai./ Opinion.al E.Xh

Pas