Sot në portin e Durrësit në një kamion që po vinte nga Italia u sekuestruan mijëra euro, ndërsa u arrestua shoferi, pronari u shpall në kërkim. Por ku ishte destinacioni i kamionit? “ABC News” mëson se destainacioni i kamionit që transportonte makina ishte qyteti i Lushnjes. Por ende nuk dihet se ku do të shkonin mijëra eurot e sekuestrua, cili i dërgoi dhe cili i priste, si u përfituan dhe për cfarë do të përdoreshin në Shqipëri?
Për shumën prej 282 265 euro që u gjet në kamionin e tij deri tani u arrestua shoferi Ferdinant Murikaj banues në Lezhë, ndërsa në kërkim është shpallur pronari firmës që merrej me transportin e mjeteve, Erjon Jovani.
I proceduar në gjendje të lirë është Aldo Lika 34-vjeç banues në Lushnjë që ju gjetën në çantë 11 765 euro në kamionin tjetër që u kontrollua. Mbi disa nga tufat e eurove që ishin të fshehura në çantë kishte disa kode, të qyteteve italiane “Bologna 50” dhe “Bergamo 75”.
