Aktorin e mirënjohur të humorit, Erblin Bajko këtë sezon të ri do ta shihni në një tjetër ekran televiziv. Erblini është larguar nga “Apartament 2 XL”, dhe Vizion Plus për të qenë pjesë e programit të humorit ‘Pa Limit’, i cili këtë vit nuk do të jetë më pjesë e programit “E Diell”, por do të vijë si program më vete në Top Channel.
Lajmin e ka konfirmuar për Opinion.al vetë aktori duke theksuar se kishte ardhur koha për një ndryshim. “Nuk u largova për ndonjë arsye të veçantë, thjesht kishte ardhur koha për një ndryshim”, ka thënë për Opinion.al aktori simpatik. Erblin Bajko është nipi i aktorit të njohur të humorit, Agim Bajko.
