Gjashtë muaj pas daljes në publik si të dashur, këngëtarja Era Istrefi dhe menaxheri i saj, Faton Shoshi, po jetojnë një lidhje si në përralla. Ajo është koketa e muzikës që mori famë botërore në pak kohë, ndërsa ai krahu i saj i djathtë që e menaxhon si duhet për të ecur vetëm përpara, shkruan panorama plus.
E në këtë prag festash, menaxheri dhe njëkohësisht i dashuri i Era Istrefit, ka publikuar një fotografi në Instagram, teksa shihet një makinë shumë luksoze, në targën e së cilës lexohej emri “Era”. Nuk ishte as më pak e as më shumë se një dhuratë super e shtrenjtë për këngëtaren, një makinë e markës së njohur “Rolls Roys”, vlera e së cilës shkon mijëra euro. Fillimisht komenti i Erës ishte “Wooow”, por më vonë ajo zbuloi personin që ia bëri këtë surprizë për festa. “Ai është Faton Shoshi!”. Kështu Erës i mbetet vetëm të zëvendësojë makinën aktuale “Range Rover” me “Rolls Roys”.
Fatoni më parë ka pasur një lidhje disavjeçare me Zanfina Ismajlin. Historia e tij me Erën nisi fillimisht si bashkëpunim, si menaxheri i saj personal, por më pas u zbulua se ata ishin edhe të dashur. Për herë të parë u shfaqën hapur në spektaklin e ndarjes së çmimeve të vitit, “Top Awards”, ku Era kryesoi me tri kupat që arriti të rrëmbente në finalen e madhe të “Top Music Awards”.
