Nga Suada Daci
Ato janë të dyja shqiptare nga Kosova, janë këngëtare shumë stil dhe mbi të gjitha kërkojnë që të hyjnë fuqishëm në industrinë e muzikës botërore. Deri tani duket sikur ia kanë arritur qëllimit dhe janë në rrugën e mbarë, duke i bërë të gjithë shqiptarët të ndihen krenarë.
Por përveç profesionist si këngëtare dhe kombësisë Era Istrefi dhe Dua Lipa nuk kanë asgjë tjetër të përbashkët. Dua është një këngëtare që lëvron rrymën pop dhe që karrierën po e zhvillon më së shumti në Britani, ndërsa Era është më afër stilit hip-hop, reggae dhe RnB dhe karriera e saj ka nisur në Shqipëri, e pritet që të ketë sukses edhe në SHBA. Kjo falë kontratës që Era ka nënshkruar së fundimi me “Sony Music”.
Teksa Dua Lipën e krahasojnë me Lana Del Ray, Era Istrefin e kanë cilësuar si fëmijën e Rihannës dhe Sias.
Por vajzat kanë popullaritet krejt të ndryshëm edhe përsa i përket rrjeteve sociale. Nëse Era numëron më shumë se 400 mijë ndjekës në Instagram, Dua Lipa nuk ka kapur akoma shifrën e 80 mijë ndjekësve në këtë rrjetet social, ndonëse sipas “Forbes” ajo është duke ecur me ritme shumë të kënaqshme në rrjetet sociale.
E njëjta gjë ndodh edhe me këngët e tyre në You Tube. Kënga e fundit e Erës “BonBon” ka më shumë se 24 milion klikime (por edhe projekte të tjera të saj kanë më shumë se 10 milion klikime), ndërsa kënga më e famshme e Dua Lipës, “Be the One”, ka më shumë 8 milion klikime në You Tube.
