Këngëtarja më e përfolur shqiptare e momentit, Era Istrefi, ka festuar ditën e djeshme ditëlindjen e saj të 24. Pavarësisht kësaj, ajo nuk është shkëputur nga studio, ku ka vazhduar që të punojë për projektet muzikore që do të sjelli në vijim. Megjithatë, Era i ka bërë vetes disa dhurata mjaft të shtrenjta.
Ndërkohë, këto javët e fundit është përfolur se ka diçka më shumë se miqësi midis Erës dhe producentit ndërkombëtar, Diplo. Ata janë parë mjaft të afërt dhe nga komentet, fansat kanë menduar se mes tyre mund të jetë krijuar një marrëdhënie. Dhe mesa duket, kjo mund të jetë e vërtetë. Diplo i ka habitur të gjithë kur ka bërë një deklaratë të hapur dashurie ndaj Erës.
Në një foto që këngëtarja kishte postuar ku pozonte para murit të Tupac, Diplo është shprehur se e do. “Të dua”, i ka thënë ai Erës, ndërkohë që edhe kjo e fundit nuk ka nguruar dhe ia kthyer “Edhe unë të dua” dhe një puthje. Nuk dihet ende nëse këto deklarata dashurie janë në aspektin miqësor apo ashtu siç aludojnë edhe fansat, midis tyre ka nisur një romancë. Kujtojmë se Era Istrefi pritet të performojë në ndeshjen finale të Botërorit me Will Smith e Nicky Jam këngën “Live it up”, që është prodhuar nga Diplo.
