Aktualitet

Epidemiologu: CoronaVac ka nevojë për një dozë të 3 te moshat mbi 60 vjeç


Bëhu pjesë e Grupit Zyrtar të Opinion.al
>> KËTU <<
               Publikuar në : 09:04 - 11/08/21 |
Opi Nion

Epidemiologu, Ilir Alimehmeti, ka publikuar në rrjetin social “Facebook”, gjetjet e një studimi zyrtar klinik në Kinë.

Teksa rendit dy gjetje të fazës 1 dhe fazës 2, epidemiologu shkruan se në përfundim të këtyre fazave, tek moshat mbi 60-vjeç është zbuluar se 2 javë pas marrjes së dy dozave CoronaVac (3 μg), 97.8% e personave kanë antitrupa neutralizues mbi titrin e rekomanduar, por 6 muaj më pas vetëm 17.8% e personave vazhdojnë ta kenë këtë nivel antitrupash, pra ka një rënie me 80% brenda 6 muajsh.

Ndërsa pas aplikimit të dozës së tretë Coronavac 100% e personave zhvillojnë antitrupa neutralizues.

Me këtë studim Alimehmeti tregon se CoronaVac ka nevojë për një dozë të tretë te moshat mbi 60 vjeç. Sipas tij në Shqipëri duhet të ta mbështesim këtë grupmoshë me një një dozë të tretë CoronaVac, akoma më mirë me vakisna të Pfizer apo AstraZeneca, shkruan ai, brenda muajit nëntor, për t’i bërë ballë vjeshtë/dimrit të ardhshëm.

Postimi i mjekut

“CoronaVac ka nevojë për një dozë të tretë te moshat mbi 60 vjeç” janë gjetjet e studimit klinik zyrtar të fazës 1 dhe 2 në Kinë!

Kina zyrtare ka qenë gjithmonë korrekte në publikimet dhe vënien në dijeni të studimeve (ndryshe nga shtete të tjera më të pazhvilluara që përdorin këtë vaksinë) dhe ky është rezultati i një studimi zyrtar të kryer nga CDC Hebei Kinë, Laboratori Kyç i Shëndetit Publik (Ministria e Arsimit Kinë) dhe firma farmaceutike Sinovac Life Sciences Co. Beijing Kinë.

Në përfundim të fazës së parë dhe të dytë klinike të dozës së tretë së vaksinës CoronaVac në moshat >60 vjeç, të prepublikuar më 8 Gusht 2021, autorët gjejnë se:

2 javë pas dy dozave CoronaVac (3 μg), 97.8% e personave kanë antitrupa neutralizues mbi titrin e rekomanduar, por

6 muaj pas dy dozave CoronaVac (3 μg), vetëm 17.8% e personave vazhdojnë ta kenë këtë nivel antitrupash, pra

Rënie me 80% brenda 6 muajsh.

Pas aplikimit të dozës së tretë CoronaVac (3 μg):

100% personave zhvillojnë antitrupa neutralizues mbi titrin e rekomanduar.

Në nivel sasior, titri gjeometrik mesatar i antitrupave neutralizues ishte:

42.7 (pozitiv) dy javë pas dy dozave (niveli i rekomanduar >8),

3.4 (negativ) gjashtë muaj pas dy dozave (niveli i rekomanduar >8), dhe

305.0 (pozitiv) shtatë ditë pas dozës së tretë.

Doza e tretë (3 μg) është toleruar mirë dhe të gjitha reaksionet ishin të gravitetit të nivelit 1 dhe 2 (detajet në tabela).

Sqarim 1: është paraqitur doza 3 μg, pasi është doza zyrtare e licensuar për këtë vaksinë, megjithatë studimi përfshin edhe dozat 1.5 μg dhe 6 μg.

Sqarim 2: edhe pse titri i antitrupave neutralizues ka rënë në nivel negativ, jo automatikisht do të thotë e njëjta gjë për përgjigjen qelizore, pra vaksina me dy doza mund të vazhdojë të ofrojë mbrojtjen nga format e rënda.

Autorët dalin në përfundimin e qartë se:

Titri i antitrupave neutralizues bie shumë gjashtë muaj pas dy dozave CoronaVac te moshat e vjetra (>60 vjeç).

Një dozë e tretë indukton me shpejtësi (7 ditë) përgjigje imunitare të fortë.

Këto rezultate mund të ndihmojnë politikabërësit të përcaktojnë nevojën dhe kohën e saktë të dhënies së dozës së tretë te të moshuarit.

Duke qenë se Shqipëria ka vaksinuar kryesisht moshat e vjetra me CoronaVac në periudhën mars-prill-maj, këto gjetje duhet të na mbështesin përdorimin e një doze të tretë CoronaVac, akoma më mirë Pfizer apo AstraZeneca, brenda muajit nëntor, për t’i bërë ballë vjeshtë/dimrit të ardhshëm.

Dr. Shk. Ilir Alimehmeti

Epidemiolog Klinik

Fakulteti i Mjekësisë, UMT

Akademia e Shkencave të Shqipërisë/Opinion.al

 

Pas