Genc Prelvukaj dhe Eni Koçi e bënë publike lidhjen e tyre në dhjetor të vitit 2018, pas shumë muajsh plot me aludime rreth historisë së tyre të dashurisë. Por ashtu siç ruajtën lidhjen e tyre sekrete për shumë kohë, duket se edhe propozimin për fejesë e kanë mbajtur po aq të fshehtë.
Gjatë ditës së sotme reperi Genc Prelvukaj ka publikuar në rrjete sociale foto nga propozimi i bërë në nëntor të 2018-tës. Sipas reperit, gjithçka ka qenë e mirëmenduar për t’u dukur sikur këngëtarja do të bënte një photoshooting, por jo.
Teksa Eni mbërriti në mesin e qirinjve të ndezur romantikë, Genci iu afrua për t’iu ulur në gjunjë dhe për ta propozuar me unazën në dorë. Ky moment i Gencit me “të bukurën” e tij ka ndodhur në Plavë në nëntor të 2018-s, pra rreth 3 muaj më parë.
“Momenti më i bukur, në Plavën e bukur, me të bukurën time. 03.11.2018 ? @enikociiii po mendonte se skena u ndërtua për photoshooting”, shkruan reperi.
Reperi ka rrëmbyer jo vetëm zemrën e këngëtares por edhe atë të familjes së saj. Pasi pak kohë më parë Greta Koçi u shpreh se ka raporte të shkëlqyera me Gencin:
“Jo vetëm unë, edhe prindërit e duan shumë, edhe ai po shumë. Kam qenë që në fillim pro lidhjes, e kam dashur gjithmonë. Ai është shumë i edukuar, I dashur. Jam e lumtur për ta dhe uroj: U PLAKSHI BASHKË’,”-përfundoi këngëtarja e njohur./E.M
