Një ditë përpara nisjes për në Stokholm, Eneda Tarifa, përfaqësuesja shqiptare në garen europiane të këngës, thotë se gjithçka është gati për skenën e madhe të ‘Eurovision’
“Kemi kaluar provat me tre back vokalistët dhe jemi shumë të kënaqur me rezultatin që kemi arritur”, tha Eneda Tarifa.
Gold do të jetë ngjyra e fustanit me të cilin Tarifa do të performojë më 12 maj, një fustan i gjatë të cilit nuk do t’i mungojnë detajet.
“Veshja është pothuajse e mbaruar. Pas disa provash e kthimesh prapa, propozimesh të tjera, sepse ky është një proces dhe bashkëpunim me organizatorët e Eurosong, vendosëm që ngjyra të ishte gold. Ngjyrë shumë e bukur që do i shkojë shumë ‘Përrallës’”, tha ajo.
Eneda Tarifa do të garojë e 17-ta në gjysmëfinalen e dytë të Eurovision, ndërsa kënga përfaqësuese është ajo me titull “Përrallë”. /parrotlla.net/
