Për të gjithë ata që ëndërrojnë të jetojnë dhe punojnë në SHBA, sot është dita vendimtare! Nga kjo e martë, pas orës 18:00 dalin përgjigjet për Lotarinë Amerikane.
Të gjithë shqiptarët që kanë aplikuar do të mësojnë nëse janë fitues duke klikuar këtu. Të regjistruarit e DV-2020 do të mund të përdorin numrin e tyre unik të konfirmimit të dhënë në regjistrim duke kontrolluar në faqen zyrtare të E-DV-së.
Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.
Ambasada Amerikane u bën të gjithë personave që kanë aplikuar që të kontrollojnë rregullisht emailin për njoftimet e mëtejshme. /Opinion.al
