Fustani i fryrë, duket se është padyshim fustani i vitit 2018!
Ka qenë pikërisht këngëtarja shqiptare Dua Lipa e cila e veshi fustanin në tapetin e kuq . Tani ai është kthyer në një trend e madje dhe mollë sherri mes stilistit Valdrin Sahiti dhe fotografit Endrit Mërtiri.
Nëpërmjet Instastories ata kanë shpallur një luftë të ftohtë mes tyre.
Fillimisht ishte Valdrini ai i cili publikoi disa foto të Elvana Gjatës, e veshur me fustane të këtij modeli. Model që së fundi ia kemi parë moderatores Luana Vjollca.
Endrit Mërtiri ka realizuar setin fotografik të Luanës, dhe duket se ka marrë përsipër që t’i kthejë përgjigje Valdrinit.
Endriti ka publikuar një foto të Aurela Hoxhës 10 vite më parë, e veshur me një fustan të njëjtë, dhe më pas një sërë fotosh të tjera të të famshmeve shqiptare të veshura me fustanin e ngjashëm.
Si përfundim, ai ka treguar se të gjithë frymëzohen nga stilisti Giambattista Valli, i cili është i pari që ka dizenjuar këtë model fustani që do të mbetet ikonë.
