Rosela Gjylbegu është një nga personazhet më të njohur që ka dalë prej spektaklit “Ethet e së Premtes Mbrëma”. Ajo spikati me zërin e saj ndërsa edhe pse është distancuar nga skena, vijon të ftohet nëpër emisione. Së fundmi ajo ka marrë pjesë në “Shiko kush luan”. Një prej pyetjeve pikante që Rosela i është përgjigjur, ka qenë se me cilën këngëtare nuk do bënte kurrë duet.
Ajo është përgjigjur se nuk do bënte duet me Encën, gjë të cilën kjo e fundit nuk e ka suportuar dot. Menjëherë Enca ka reaguar ashpër ndaj deklaratës së këngëtares shkodrane duke postuar dy instastory mjaft ofenduese.
“Mora vesh që Rosela Gjylbegu qenka akoma gjallë. Gjyshe shko në shtëpi. Asnjëri nuk do të të shikojë dhe të bëjë muzikë me ty”, shkruan Enca në postim e parë ndërsa ka vijuar edhe me një tjetër.
“Hahahaha as unë nuk do bëja kurrë një këngë me Beyoncen”, shkruan Enca, ndërsa Rosela e ka lënë me aq.
