Ky është 40-vjeçari Viron Karabollaj, i cili goditi për vdekje me thikë ish-gruan Mynevere Karabollaj 37- vjeçe bashkë me partnerin e saj Flonino Mërkuri, 23 vjeç në banesën ku jetonin në Venecia të Italisë.
Sipas mediave italiane, autori i dyshuar i krimit të dyfishtë u gjet i vdekur brenda një kasolleje në zonën e Venedikut. Mendohet se ai është vetëvrarë pasi vrau Menevere Karabollajn dhe Flonino Mërkurin.
Kujtojmë se, trupat e pajetë u gjetën nga karabinierët rreth orës 22:00 të së dielës në Venecia pasi vajza e gruas njoftoi policinë se nuk mund të kontaktonte nënën e saj.
Fillimisht u mendua për një rast vrasje-vetëvrasje, por gjatë hetimeve në vendngjarje u zbulua se ishte një person i tretë që kishte kryer vrasjen e dyfishtë.
Në vendin e ngjarjes, hetuesit kanë gjetur një armë zjarri dhe një thikë. Sipas mediave italiane të dy bashkëjetuesit ishin vrarë me thikë./Opinion.al
