Holta Zaçaj është zgjedhur kryetarja e re e Gjykates Kushtutuese. Në garë ishin Fiona Papajorgji, Marjana Semini dhe Holta Zaçaj.
Këtë të hënë, më 20 shkurt, u mbajt raundi i tretë i votimit. Holta Zaçaj arriti të marrë 5 vota, duke u zgjedhur kryetarja e Gjykatës Kushtetuese.
“Mbledhja e Gjyqtarëve të Gjykatës Kushtetuese zhvilloi sot më 20 shkurt 2023 raundin e tretë të votimit për zgjedhjen e Kryetarit të ri të Gjykatës Kushtetuese. Në përfundim të procesit të votimit, në bazë të parashikimeve ligjore, pasi mori shumicën e kërkuar ligjore, Mbledhja e Gjyqtarëve zgjodhi zonjën Holta Zaçaj në detyrën e Kryetarit të Gjykatës Kushtetuese. Ky vendim i njoftohet Presidentit të Republikës dhe Kryetarit të Kuvendit”-thuhet në njoftim.
