Policia ka dhënë informacion zyrtar për atentatin e ndodhur pasditen e së premtes në lagjen 10 korriku në Vlorë.
Sipas policisë, ngjarja ka ndodhur rreth orës 18:55, ky dyshohet pas një konflikti shtetasi Juxhin Aliaj, dhe shtetasi me iniciale L. M., dyshohet se kanë qëlluar me armë zjarri pistolete. Nga konflikti nuk ka persona të lënduar.
Shënjestra ka qenë pikërisht djali i kryeplakut të Kaninës, Astrit Aliraj.
Makina tip “Mercedes ML”, e cila u dëmtua nga plumbat rezulton në emër të Astrit Aliraj kryeplaku i fshatit Kaninë, por sipas burimeve makinën ia kishte lënë në përdorim të birit Juxhino Todi, 24 vjeç (mbiemër te ndërruar).
Sipas informacioneve, një person me (xhup të zi) e ka ndjekur me vrap Alirajn dhe në momentin që 24-vjeçari ka ndaluar ka shtënë disa herë në drejtim të makinës tip “ML”.
Për fat të mirë 24-vjeçari ka mundur t’u shmanget plumbave dhe ka ikur me vrap. Ndërkohë që policia ka ngritur postblloqe për kapjen e dy personave si atentatorit ashtu dhe 24-vjeçarit Juxhin Todi.
Vlorë/ Informacion paraprak
Më datë 29.04.2022, rreth orës 18:55, në lagjen “10 Korriku”, Vlorë, dyshohet se gjatë një konflikti shtetasi J. A., dhe shteasi L. M., dyshohet se kanë qëlluar me armë zjarri pistolete. Nga konflikti nuk ka të dëmtuar.
Grupi hetimor ndodhet në vendngjarje dhe po punon për sqarimin e rrethanave të ngjarjes.
