Kronikë

EMRI/ Vritet me armë zjarri një 35-vjeçar, gjendet një makinë e djegur


Bëhu pjesë e Grupit Zyrtar të Opinion.al
>> KËTU <<
               Publikuar në : 08:00 - 03/06/21 |
Opi Nion

Një 35-vjeçar është ekzekutuar me armë zjarri mesnatën e mbrëmshme në qytetin e Vlorës. Policia bën me dije se ngjarja ka ndodhur rreth orës 23:55, në  lagjen “24 Maji”, në rrethana ende të paqarta.

Viktima është identifikuar si Altin alias Shkëlzen Velaj. Fillimisht  35-vjeçari mbeti i plagosur, por ndërroi jetë disa minuta më vonë për shkak të plagëve të rënda. Nuk ka ende informacion për autorët e dyshuar të ngjarjes, por policia thotë se në afërsi të fshatit Risili është gjetur një makinë e djegur që dyshohet se i përket autorëve.

“Rreth orës 23:55, në  lagjen “24 Maji”, në rrethana ende të paqarta është qëlluar me armë zjarri shtetasi Sh. V., rreth 35 vjeç, i cili ka humbur jetën në Spitalin Rajonal Vlorë si pasojë  e plagëve të marra.

Gjatë krehjes së zonës, në afërsi të fshatit Risili, nga shërbimet e Policisë është konstatuar duke u djegur një automjet i braktisur , i cili paraprakisht dyshohet se mund të jetë i autorit/ve  të ngjarjes”, thotë policia.

Ndërkohë vijon krehja e zonës nga shërbimet e DVP Vlorë, për kapjen e autorit/ve.

Grupi hetimor, në bashkëpunim me Prokurorinë, po punon për identifikimin e autorëve dhe  sqarimin e rrethanave të ngjarjes”, njofton policia./Opinion.al

Pas