Një 29-vjeçar shqiptar është ekstraduar nga Italia, pasi ishte shpallur në kërkim për vrasjen e babë e bir në Elbasan, në vitin 2012.
Mësohet se Interpol ka ekstraduar nga Milano Etion Cani, i kërkuar për vrasjen e Gentian Beqirit dhe babait të tij Nezir Beqirit.
Cani është dënuar me burg nga Gjykata e Elbasanit “Arrest në burg”, për veprat penale “Vrasja në rrethana cilësuese, në bashkëpunim” dhe “Armëmbajtja pa leje”.
Njoftimi i policisë
Një tjetër i kërkuar bie në pranga, falë bashkëpunimit të Interpol Tirana me homologët. Kapet në Itali dhe ekstradohet drejt Shqipërisë 28-vjeçari nga Elbasani, i kërkuar për vrasje.
Specialistët e Interpol Tirana bënë ekstradimin nga Milano, Itali drejt vendit tonë të shtetasit shqiptar E. C. 28 vjeç, banues në Elbasan.
Ky shtetas ishte i shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Elbasan ka caktuar masën e sigurisë “Arrest në burg”, për veprat penale “Vrasja në rrethana cilësuese, në bashkëpunim” dhe “Armëmbajtja pa leje”.
Shtetasi E. C. është autori i dyshuar i ngjarjes së ndodhur më datë 15.08.2012, në qytetin e Elbasanit, ku janë vrarë me armë zjarri babë e bir, shtetasit G. B. dhe N. B.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, duke u finalizuar me ekstradimin drejt vendit tonë./ Opinion.al
