Policia ka identifikuar dhe shpallur në kërkim autorin e dyshuar të vendosjes së dy GPS-ve në dy mjete në pronësi të një 39-vjeçari në Pogradec.
Ngjarja ndodhi në orët e para të mengjesit të së dielës në lagjen numër 2 të qytetit. Mjetet janë ë në pronësi të shtetasit Eris Çekani, i cili kohët e fundit ka patur disa konflikte me shtetas të tjerë në Pogradec.
Ndërkaq mësohet se dyshohet se autor i vendosjes së GPS-ve është shtetasin Sidni Syzo, 28 vjeç. Ky i fundit akuzohet për veprën penale “Ndërhyrje të padrejta në jetën private”.
“Në vijim të informacionit paraprak të dhënë ditën e djeshme, për vendosjen e 2 pajisjeve GPS, në automjetet e shtetasit E. Ç., që jepeshin me qira prej tij, ju bëjmë me dije se:
Specialistët për Hetimin e Krimeve të Komisariatit të Policisë Pogradec kanë vijuar hetimet, në bashkëpunim me Prokurorinë e Pogradecit, me qëllim zbardhjen dhe dokumentimin e plotë ligjor të këtij rasti. Në përfundim të veprimeve të para hetimore, u referuan materialet në Prokurori dhe u shpall në kërkim autori i dyshuar i këtij rasti, shtetasi S. S., 28 vjeç, banues në Pogradec, për veprën penale “Ndërhyrje të padrejta në jetën private”.
Materialet procedurale i kaluan Prokurorisë, për veprime të mëtejshme.”, thuhet në njoftimin e policisë së Pogradecit.
