Është gjetur në Kurbin trupi i pajetë i 24-vjeçarit Klevis Lleshi, i cili ishte shpallur i zhdukur dy vite e gjysëm më parë.
Sipas News 24, trupi i të riut është gjetur i groposur në fshatin Shpërdhet të Mamurrasit. Ai është zbuluar si rezultat i erozionit dhe banorë të zonës kanë njoftuar policinë e cila më pas ka kryer testin e AND-së dhe ku ka rezultuar se i përkiste të riut nga Matit, Klevias Lleshi.
Prokuroria e Matit kishte nisur hetimet pas denoncimit të familjarëve në qershor të vitit 2020 se Klevis Lleshi dyshohej të ishte marrë peng në afërsi të Pallatit të Sportit në Burrel.
Hetime pati në disa qytete por nuk sollën asnjë rezultat në gjetjen e tij apo të autorëve të dyshuar, derisa trupi i pajetë u zbulua rastësisht në fshatin Shpërdhet të Mamurrasit.
Kujtojmë se edhe i ati i Klevisit, Xhavit Lleshi u vra në një pritë në vendin e quajtur “Pujkë” në vitin 2013, ndërsa pak vite më pas i është vrarë xhaxhai Hajredin Lleshi, pranë shtëpisë.
