Trupi që u gjet i varrosur në një fushë shtatorin e kaluar, në Mouriki të Beotisë, të Greqisë i përket një shqiptari.
Siç rezultoi nga laboratorët e policisë, pas një ekzaminimi të ADN-së, bëhet fjalë për një të burgosur 46-vjeçar, i cili ishte arratisur pas një leje 6-ditore që kishte marrë nga burgjet e Patrës, në gusht të vitit 2011.
Sipas dokumenteve të policisë, viktima mbahej në burg me 15 vjet e dy muaj burg dhe 30 mijë euro gjobë, për import-transport dhe mbajtje të lëndëve narkotike në territor.
Trupi i tij u gjet i varrosur në një fushë nga punëtorët që po instalonin një tubacion nëntokësor, një kilometër përpara fshatit Mouriki në Thebë.
Në rrobat e tij, policia e Sigurimit të Tebës gjeti një kartë identiteti të autoriteteve shqiptare, duke konstatuar se ai ishte i arratisuri nga burgjet e Patrës emri të cilit është Ilir Rrasa.
Autoritetet policore e gjetën vëllain e tij në Athinë dhe i morën material biologjik, i cili u identifikua me atë të viktimës.
Sigurimi i Tebës vijon hetimet për identifikimin e autorëve që e varrosën në vendngjarje dhe nëse është apo jo vepër penale. /Opinion.al
