Të shtëna me armë zjarri janë regjistruar mbrëmjen e së hënë në qytetin e Vlorës. Mësohet se persona të paidentifikuar kanë qëlluar me armë, nga një makinë në lëvizje, në drejtim të 27 vjeçarit Marjo Fetaj.
Nga të shtënat nuk ka persona të lënduar. Sipas të dhënave, autorët e kanë pritur të riun të dalë nga shtëpia dhe sapo ai është futur në makinë i janë afruar dhe qëlluan drejt mjetit të tij 2 herë.
Policia thotë se distanca e vogël nga u qëllua tregon se autorët nuk kanë pasur për qëllim vrasjen e të riut por vetëm ta trembin atë. Ka qenë vetë 27 vjeçari Marjo Fetaj që ka njoftuar policinë.
Nga të dhënat e deritanishme, rezulton se në këtë ngjarje kanë marrë pjesë dy persona, të cilët kanë pasur kapele dhe maskë për mbrojtjen nga COVID-19.
Autoritetet po hetojnë për zbulimin e plotë të rrethanave të ngjarjes, ndërkojë janë mbledhur pamjet e kamerave të sigurisë të cilat kanë regjistruar momentin kur është qëlluar me armë drejt të riut./ Opinion.al
