Një tjetër person është arrestuar sot në vijim të operacionit policor të koduar “TVSH”. Elton Zoto, 36 vjeç, banues në Tiranë është vënë në pranga pasi në bashkëpunim me shtetasit Gëzim Çela, Flamur Zoto, Xhemal Kushova, Ylber Molla (të arrestuar më datë 21 shtator) kishin krijuar një skemë mashtrimi duke krijuar 6 firma fiktive me NIPT-e shëtitës, me seli në qytetin e Tiranës.
Qëllimi i tyre, ishte shmangia e pagesave të TVSH dhe tatimfitimin, duke i shkaktuar shtetit dëm në vlerë TVSH-je dhe tatimfitimi në vlerën e 350 milionë lekë të reja .
Policia thotë se vijon puna intesive për kapjen e pesë shtetasve të tjerë të shpallur në kërkim.
Materialet proceduriale ju kaluan Prokurorise pranë Gjykatës së Shkallës së Parë Tiranë në ngarkim të shtetasit E. Z., për veprat penale të “Fshehje të ardhurash”, “Mospagimi i taksave dhe tatimeve”, “Krijimi i skemave mashtruese lidhur me tatimin mbi vlerën e shtuar” dhe “Falsifikimi i vulave stampave dhe formularëve”, parashikuar nga nenet 180, 181, 144/a dhe 190 të Kodit Penal.
