Një 35-vjeçar është arrestuar nga policia e Shkodrës ditën e sotme pasi akuzohet se kishte përshtatur një magazinë për kultivimin e bimëve narkotike me anë të llambave.
Mësohet se në pranga ka rënë Altin Palushi, banues në fshatin Beltojë të Shkodrës.
Gjatë kontrolleve të bëra, uniformat blu i sekuestruan 35 llamba dhe pajisje të tjera elektrike që përdoren për këtë aktivitet kriminal.
Po ashtu, gjatë kontrollit në banesën e 35-vjeçarit iu gjetën dhe sekuestruan 2 armë zjarri me silenciatorë( kallashnikov dhe pistoletë), municion luftarak, një sasi farash kanabisi dhe një sasi vlerash monetare.
Një ditë më parë u finalizua faza e 8-të e këtij megaoperacioni, si rezultat i së cilës u sekestruan 2 armë zjarri, 2 radio policie, 3 mina me telekomandë, një bllokues valësh, 1.6 kg eksploziv C4, 2 armë gjahu, 1 armë sportive e munion luftarak. 2 shtetas u vunë në pranga, 1 u shpall në kërkim, ndërsa 2 të tjerë po procedohen penalisht./Opinion.al
