Një aksident në vendin e punës i ka marrë jetën një 43-vjeçari shqiptar nga Kosova.
Ngjarja e rëndë ka ndodhur në Sardenjë, ku shtetasi shqiptar nga Kosova, ka rënë nga lartësia e skelës në një kantier ndërtimi.
Sipas mediave italiane, shtetasi Bashkim B. ka rënë nga një lartësi mbi 10 metra nga skela e kantierit dhe ka ndërruar jetë në vend
Tragjedia ka ndodhur pasditen e së shtunës, më 24 shkurt.
Dëshmitarët e pranishëm raportojnë se Bashkimi në ato momente nuk ka qenë në punë, por kishte shkuar në kantier për të përshëndetur kolegët e tij.
Megjithatë, Prokuroria ka nisur hetimet për zbardhjen e dinamikës së ngjarjes tragjike.
