Është arrestuar nga policia personi i cili mbrëmjen e djeshme, në rrugën “Donald Trump” qëlloi me armë drejt disa makinave.
Mësohet se në pranga ka rënë 39-vjeçari i identifikuar si Fatmir Musteqja.
39-vjeçari i cili po lëvizte me motomjet ka qëlluar me armë zjarri,në drejtim të automjeteve të parkuara. Për pasojë, dy automjete kanë pësuar dëmtime.
I arrestuari rezulton se drejtonte mjetin në gjendje të dehur në masën 0.564 ml/g. Atij iu sekuestrua pistoleta dhe municioni.
Materialet procedurale i kaluan Prokurorisë, për veprime të mëtejshme./Opinion.al
