Një 19-vjeçar është vënë në pranga nga policia pasi pas një konflikti të çastit, për motive të dobëta, ka qëlluar me armë zjarri shtetasin R. Gj. Ngjarja ka ndodhur në datën 11 nëntor 2020 në rrugën “5 Maji”.
Bëhet me dije se i arrestuari është shtetasi Kevin Cungu, vellai i Markelian Cungut i njohur për vjedhje që në moshë të mitur. Gjykata e Tiranës i ka caktuar 19-vjeçarit masën e sigurisë “Arrest në burg”, për veprat penale “Vrasja me dashje” e mbetur në tentativë dhe “Armëmbajtja pa leje”.
“Bazuar në informacionet e marra në rrugë operative për një shtetas në kërkim me rrezikshmëri të lartë kriminale, shërbimet e Policisë kanë organizuar punën dhe falë veprimeve të shpejta dhe profesionale kanë bërë të mundur lokalizimin, kapjen dhe ndalimin e shtetasit K. C., 19 vjeç,”, njofton policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme./Opinion.al
