Elisa Doka është 21-vjeçarja që mbeti e vdekur, pasi u përplas nga makina ndërsa po priste autobusin këtë të hënë në Patridha të Verias në Greqi.
21-vjeçarja shqiptare po qëndronte në stacion së bashku me një 68-vjeçare, kur shoferi humbi kontrollin dhe i përplasi.
Ngjarja ka ndodhur në orën 9.40 të mëngjesit, ku një 68-vjeçare dhe një 20-vjeçare shqiptare e identifikuar si Elisa Doka nga Njësia Administrative Tërbuf e Divjakës, kanë qenë duke pritur në stacionin e autobusit, kur në rrethana të paqarta janë përplasur nga një makinë e drejtuar nga një 64-vjeçar.
Sipas Policisë, ato janë dërguar në spitalin e Verias, ku edhe kanë ndërruar jetë, ndërsa drejtuesi i mjetit është arrestuar.
