Është arrestuar nga policia autori që plagosi me armë zjarri pronarin e fasonerisë në Fushë-Krujë.
Sipas policisë është vënë në pranga 42-vjeçari Fatmir Rrahmani, i cili ditën e djeshme plagosi 61-vjeçarin Arben Dedja.
Dedja mbeti i plagosur dje rreth orës 18:50, pas një konflikti të çastit për motive të dobëta, në lagjen “Sinur” Fushë Krujë.
61-vjeçari, pronar i një fasonerie aktualisht ndodhet në kujdesin e mjekëve, jashtë rrezikut për jetën.
Autoritetet kanë nisur hetimet lidhur me këtë plagosje dhe janë sekuestruar kamerat e sigurisë, që pritet të ndihmojnë në zbardhjen e rrethanave të ngjarjes./Opinion.al
