Detaje të reja kanë dalë nga operacioni i sotëm në Durrës ku u arrestuan 14 persona, mes të cilëve një punonjës policie dhe një ushtarak.
Sakaq, sipas gazetares Klodiana Lala punonjësi i policisë së burgjeve, Flamur Bejko dyshohet se ka urdhëruar vrasjen e dy personave, pasi këta të fundit e kishin rrahur.
“Flamur Bejko dyshohet se ka kontaktuar me vëllezërit për të urdhëruar vrasjen e dy personave S.S dh E.H . Sipas të dhënave këta dy persona e kishin rrahur dhe në shenjë hakmarrje ai kishte urdhëruar të vriteshin”, tha gazetarja Klodiana Lala.
“Gjithashtu, dy vëllezërit janë kontaktuar dhe porositur edhe nga shtetasi F. B., që kundrejt pagesës të kryenin vrasjen e shtetasve S. Z. dhe I. H. Për këtë veprimtari kriminale, vëllezërit kanë marrë një shumë paraprake prej 3500 eurosh dhe kanë siguruar mjetet për realizimin e kësaj ngarjeje dhe konkretisht 4 kg eksploziv, si dhe një armë zjarri automatik, të cilat janë gjetur dhe sekuestruar gjatë kontrolleve të ushtruara nga shërbimet e Policisë, gjatë datës 3 tetor 2022”-njofton policia.
